لا أعرف لماذا أطلقت على المدونة هذا الاسم ، فحتى لو كانت هناك قافلة للمثقفين فأنا ما ليش دعوة بيها إطلاقا و بعتبر نفسى من قافلة الحمير ... آه مالهم الحمير ؟؟
المهم إن قافلة المثقفين فى مصر دى عبارة عن قافلة كبيرة من المتمردين على سير باقى القطيع البطيء الممل ... و مش عاجبهم إن هدف القطيع يبقى لقمة العيش و إنهم يستروا بناتهم و يجوزوا عيالهم و كل الكلام بتاع عامة الشعب ده ... دى ناس عايزانا نصحى و نفوق قبل ما ننضرب بالجزم ، و لو إنى شايفة إن حكاية الجزم دى حصلت من زمان و إحنا مش حاسين أو حاسين و مستهبلين ...
القافلة دى من كتر ما هى قليلة و نادرة جدا كلهم عارفين بعض ... بيقودهم مجموعة من أعلام المثقفين فى العالم العربى زى دكتور أحمد خالد توفيق و بهاء طاهر ... صاحيين بقى بقول لكم ، و مشكلة القافلة دى إنها مضطرة تمشى نفس مشية القطيع حتى لو بخطوات أسرع و حتى لو كانوا أبعد .. القطيع بيجبرهم على كده ... ما هو ما ينفعش إنك تبقى واحد عايش مع زوجة بدينة تصفع أطفالها الثلاثة طوال اليوم أو إنك تبقى واحدة بتخدمى رجل جائع و أطفاله و ... (( فين الشاى يا مديحة )) و فى نفس الوقت تقعد فى الأوضة لوحدك تكتب قصص و شعر و تروح تفوق الأمة و ترجع تنام ... بقول لك مش هاينفع فبلاش لماضة !
شروط الانضمام للقافلة دى سهلة و مش كتير ... أهم حاجة بدل ما تضيع مرتبك على كروت المحمول و كيسين الشيبسى إللى بتاكلهم و إنت بتتفرج على ماتش الأهلى و علب السجاير ، هات بيهم حاجة مفيدة ... لأ مش تى شيرت يا جاهل ... بقول لك حاجه مفيدة هات كتاب مثلا ... آه كتاب مالك بتبص لى كده ليه ؟؟ هو أنا قلت حاجة عيب مثلا ؟؟ أنا قلت كتاب مش مجلة بلاى بوى ...
روح هات خالتى صفية و الدير لبهاء طاهر ... هات يوتوبيا لأحمد خالد توفيق ... هات شيكاجو لعلاء الأسوانى ... هات نيران صديقة لعلاء الأسوانى برده ... و لو عايز حاجه ممتعة و بدون فذلكة ، ركز على روايات مصرية للجيب ... ثمنها رخيص و صغيرة الحجم لكن ممتعة جدا ، و لو بتقرأ ما وراء الطبيعة أو فانتازيا أو سافارى للمبدع دكتور أحمد خالد توفيق يبقى غصب عنك هتقرأ معلومات قيمة فى النص و هتستمتع ... برده هتستمتع ... مش هيكلمك فى الحاجات السيكو سيكو ولا فى السياسة ولا هيفتى فى الدين بس برده هتستمتع ... تصدق ؟؟
تانى شرط برده سهل ... أبوس أيدك بطل تقعد على القهوة و تعاكس فى الرايحة و فى الجاية ... يا أخى بقى بالذمة مش مكسوف من نفسك إنك بتستبيح بنات الناس لنفسك و لو حد لمس أختك تصحى بقى الرجولة فجأة ؟؟ و بعدين بطل يا أخى تاكل زى العجول و تتفرج على الشرايط الثقافى عدم المؤاخدة و تطلق مراتك لما تبص على هيفاء وهبى ... نص ستات مصر اتطلقوا بسبب هيفاء و نانسى و إليسا و قافلة المزز و دى قافلة مافيش داعى للكلام عنها دلوقتى ... إشمعنى هى ما خلعتش لما شافت أحمد عز و مهند و براد بيت يعنى ؟؟ ما هى ساكتة و غلبانة و مستحملاك هى كمان ... سواء كانت خطيبتك أو مراتك ...
مش لاقى شغل ؟؟ حتى وقت فراغك ده ممكن يتعمل فيه حاجات مفيدة كتير غير القعاد عالقهوة و الشرايط الثقافى ...
أما أيتها العزيزة لو كنتى ست بلاش شغل أنا رحت مش عارفة فين النهاردة جبت ميكاب و برفانات و بلوزات و كام جينز يجننوا ... العرسان كتير مش هتعنسى ما تقلقيش ... ما فيهاش حاجه لو اهتميتى بمظهرك بس من غير عرى و فى نفس الوقت اهتمى مرة بحاجه مفيدة ...
عرفت بقى إن الانضمام لقافلة المثقفين سهل ؟؟
المهم إن قافلة المثقفين فى مصر دى عبارة عن قافلة كبيرة من المتمردين على سير باقى القطيع البطيء الممل ... و مش عاجبهم إن هدف القطيع يبقى لقمة العيش و إنهم يستروا بناتهم و يجوزوا عيالهم و كل الكلام بتاع عامة الشعب ده ... دى ناس عايزانا نصحى و نفوق قبل ما ننضرب بالجزم ، و لو إنى شايفة إن حكاية الجزم دى حصلت من زمان و إحنا مش حاسين أو حاسين و مستهبلين ...
القافلة دى من كتر ما هى قليلة و نادرة جدا كلهم عارفين بعض ... بيقودهم مجموعة من أعلام المثقفين فى العالم العربى زى دكتور أحمد خالد توفيق و بهاء طاهر ... صاحيين بقى بقول لكم ، و مشكلة القافلة دى إنها مضطرة تمشى نفس مشية القطيع حتى لو بخطوات أسرع و حتى لو كانوا أبعد .. القطيع بيجبرهم على كده ... ما هو ما ينفعش إنك تبقى واحد عايش مع زوجة بدينة تصفع أطفالها الثلاثة طوال اليوم أو إنك تبقى واحدة بتخدمى رجل جائع و أطفاله و ... (( فين الشاى يا مديحة )) و فى نفس الوقت تقعد فى الأوضة لوحدك تكتب قصص و شعر و تروح تفوق الأمة و ترجع تنام ... بقول لك مش هاينفع فبلاش لماضة !
شروط الانضمام للقافلة دى سهلة و مش كتير ... أهم حاجة بدل ما تضيع مرتبك على كروت المحمول و كيسين الشيبسى إللى بتاكلهم و إنت بتتفرج على ماتش الأهلى و علب السجاير ، هات بيهم حاجة مفيدة ... لأ مش تى شيرت يا جاهل ... بقول لك حاجه مفيدة هات كتاب مثلا ... آه كتاب مالك بتبص لى كده ليه ؟؟ هو أنا قلت حاجة عيب مثلا ؟؟ أنا قلت كتاب مش مجلة بلاى بوى ...
روح هات خالتى صفية و الدير لبهاء طاهر ... هات يوتوبيا لأحمد خالد توفيق ... هات شيكاجو لعلاء الأسوانى ... هات نيران صديقة لعلاء الأسوانى برده ... و لو عايز حاجه ممتعة و بدون فذلكة ، ركز على روايات مصرية للجيب ... ثمنها رخيص و صغيرة الحجم لكن ممتعة جدا ، و لو بتقرأ ما وراء الطبيعة أو فانتازيا أو سافارى للمبدع دكتور أحمد خالد توفيق يبقى غصب عنك هتقرأ معلومات قيمة فى النص و هتستمتع ... برده هتستمتع ... مش هيكلمك فى الحاجات السيكو سيكو ولا فى السياسة ولا هيفتى فى الدين بس برده هتستمتع ... تصدق ؟؟
تانى شرط برده سهل ... أبوس أيدك بطل تقعد على القهوة و تعاكس فى الرايحة و فى الجاية ... يا أخى بقى بالذمة مش مكسوف من نفسك إنك بتستبيح بنات الناس لنفسك و لو حد لمس أختك تصحى بقى الرجولة فجأة ؟؟ و بعدين بطل يا أخى تاكل زى العجول و تتفرج على الشرايط الثقافى عدم المؤاخدة و تطلق مراتك لما تبص على هيفاء وهبى ... نص ستات مصر اتطلقوا بسبب هيفاء و نانسى و إليسا و قافلة المزز و دى قافلة مافيش داعى للكلام عنها دلوقتى ... إشمعنى هى ما خلعتش لما شافت أحمد عز و مهند و براد بيت يعنى ؟؟ ما هى ساكتة و غلبانة و مستحملاك هى كمان ... سواء كانت خطيبتك أو مراتك ...
مش لاقى شغل ؟؟ حتى وقت فراغك ده ممكن يتعمل فيه حاجات مفيدة كتير غير القعاد عالقهوة و الشرايط الثقافى ...
أما أيتها العزيزة لو كنتى ست بلاش شغل أنا رحت مش عارفة فين النهاردة جبت ميكاب و برفانات و بلوزات و كام جينز يجننوا ... العرسان كتير مش هتعنسى ما تقلقيش ... ما فيهاش حاجه لو اهتميتى بمظهرك بس من غير عرى و فى نفس الوقت اهتمى مرة بحاجه مفيدة ...
عرفت بقى إن الانضمام لقافلة المثقفين سهل ؟؟
اهلا يا ايمي يا جبيبة قلبي
ردحذف:)
انا اول ما قريت العنوان افتكرتك بتتريقي عالناس اللي عاملة فيها مثقفة و هي ولا بتفهم في حاجة زي وزير الثقافة و الناس بتوعه(أصل بصراحة اسم قافلة المثقفين ده عامل زي قافلة الحريم و قافلة الحمير )يصلح للتريئة احسن من الجد
الفكرة كويسة جدا..يا متميز انت يا مختلف عن بقة الشعب
و اخيرا هو انت قريتي ايه لبهاء طاهر؟؟
Gamdaaaaaaaaaaaaaaaaaaaaaa awe ya Amy
ردحذفEnte begad sadamtene feke
ana mesh mesada2 en el Open minded Person elle Kateb el Note de B-ElStyle dah
Hea Amy My sister :) el Eslob berta3ek fel Ketaba Ma3ade
wel Topic Kaman Gamed wesh
hata el Mawade3 elle etkalemte feha
kolaha sah
el Sagaer wel 2ahwa wel Match "ma3a enaha kolaha marasem ramadan 3ande"
bas Begad Nice Blog ever
we ba2a 3andena 2adeba aho esmaha Amy
Keep it Up Girl
You Really Rock
bas ya ret yeb2a fe haga 3an "Kafelet el Mozaz Soon" we Kaefet el Ta2seer 3aleha in 3 or 4 Ways Only 3ashan nengez ba2a
جامده يا اميرة حلو اوي البوست ده و عندك حق
ردحذفانا عجبني اوي اسلوبك
جمييييييييل جدا يا اميرة انا فعلا مقتنعة باللى بتقوليه خصوصا اما قلتى ع موضوع الكتب والقراية دى بقت جريمة يا شيخة ان الواحد يقرا اكنها تهمة يعنى ممكن تلاقى ناس بتقول مش بحب البت دى....دى منهم
ردحذفمين دول حضرتك؟؟
تقوم توطى صوتها وتقول بسرعة ..."اللى بيقرو" عارفة اللى هو تخاف الا حد يسمع
ممكن حد يقلى مش لاقية حاجة اعملها طب اقرى حاجة بتهتمى بيها....ايييييييييييه ازاى يعنى؟؟
والله دى بالزات لسة حاصلة معايا
وانا بكتب ناو الكومينت ده الدكتور طارق السويدان والله شغال ورايا بيقول ان متوسط اللى بيقراه الامريكي = اللى بيقراه 270 عربي بزمتك لما الموضوع يبقى كدة يبقى عندهم حق يحتلونا ويولعو فينا كمان احنا فعلا ف مشششششششششششكلة
و مع السلامو عليكو بقى
صح جداااااااااااااا يا ايمي.....والله انتى كاتبة رائعة بلا جدال ولا افتعال
ردحذف