أولا كل سنة و إنتو طيبين علشان أنا بكتب الرسالة دى فى تانى يوم العيد ... أعاده الله عليكم بخير ...
ثانيا أنا فى كل عيد بثبت إن أنا أكتر شخصية نحس على كوكب الأرض ... بقول لكم نحس ... نحس ... نحس ...
فى أول يوم العيد خرجت مع ماما و صرفت عيديتى كلها على برفان ... بس مش مشكلة أنا بحب البرفانات ...
و بعد ما رجعت قلبت الدنيا تانى على جهاز الـ iPod بتاعى ... (( آه نسيت أقول لكم إن أنا كنت قلبت الدنيا عليه مرة قبل ما أنزل ))
بس طبعا ما لقيتهوش ... ترى هل سرق عند الكوافير إمبارح ؟؟ ترى هل أصابنى الله بالعمى الحيثى فأسقطته فى الشارع ؟؟
لن أعرف أبدا إلا لما ألاقيه - ده إذا لقيته - ...
النهاردة أخويا خرج مع بابا و ماما قالت لى إنها نازلة تجيب حاجات للبيت من السوبر ماركت و طبعا أنا صدقتها بس الموضوع طلع غير كده خااالص ...
المفروض إن أنا و صاحباتى نخرج مع بعض بكره بس أنا متأكدة - و ما تسألونيش أنا متأكده ليه - إن فى مشكلة هتحصل ... واحدة فينا مامتها هتتربس و التانية باباها هيتربس و الخروجة هترسى عليا لوحدى - و احتمال أنا إللى مامتى و بابايا يتربسوا - فيجيلى اكتئاب و أقعد فى البيت ...
اكتئاب ... هذه هى الكلمة السحرية ... الواحد بيبتدى العيد مكتئب - لسبب ما مش متعلق بحاجة معينة - فالنحس بيركب العيد كله ...
يعنى مثلا أنا قبل العيد اكتشفت إن حبيبى صاحبته حامل (...) (( بتكلم على إنريكى إجليسياس مش عايزة أفكار من إياها خالص )) ...
و بكده العيد كله ركبه النحس و الـ iPod بتاعى ضاع و ماما و بابا بيدونى صابون و صاحباتى أبهاتهم هيزرجنوا ...
المهم إن أنا بكتب لكم دلوقتى و أنا هموت من الملل ... رغم إن عندى عالكومبيوتر حوالى 7 أفلام رعب من أعظم أفلام الرعب الأجنبى فى التاريخ زى The Exorcist و Suspiria و a Nightmare on Elm street و غيرهم كتير ده غير السيديهات ...
و رغم إن عندى فوق ال200 كتاب و كتيب ... و رغم إن النت فيه حاليا مليون حاجة تتعمل و برغم إن فى أغانى لسه عايزة أسمعها و برغم إنى ما خلصتش روايتى الجديدة و برغم إن عندى أفكار حوالى 3 أغانى إنجليش بس مش لاقية حاجه أعملها ... إنتو عندكو حاجة أعملها ؟؟
السبب زى ما قلتلكم هو لعنة النحس إللى بتلحق بالواحد من غير ما يحضر أرواح و ما يعرفش يصرفها ، و من غير ما يدخل مقبرة توت عنخ آمون ، و من غير ما يلعب ويجا ، و من غير ما يكون عنده مومياء فرعونية لملك غاضب ولا يكون بيحاول يحضر يد المجد أو يكون عنده تمثال منحوس ... من الآخر إنت نفسك بتكون منحوس و مافيش أى حل لفك النحس ده غير ... إنت عارفه ... هو الشباك أو البلكونة ...
ثانيا أنا فى كل عيد بثبت إن أنا أكتر شخصية نحس على كوكب الأرض ... بقول لكم نحس ... نحس ... نحس ...
فى أول يوم العيد خرجت مع ماما و صرفت عيديتى كلها على برفان ... بس مش مشكلة أنا بحب البرفانات ...
و بعد ما رجعت قلبت الدنيا تانى على جهاز الـ iPod بتاعى ... (( آه نسيت أقول لكم إن أنا كنت قلبت الدنيا عليه مرة قبل ما أنزل ))
بس طبعا ما لقيتهوش ... ترى هل سرق عند الكوافير إمبارح ؟؟ ترى هل أصابنى الله بالعمى الحيثى فأسقطته فى الشارع ؟؟
لن أعرف أبدا إلا لما ألاقيه - ده إذا لقيته - ...
النهاردة أخويا خرج مع بابا و ماما قالت لى إنها نازلة تجيب حاجات للبيت من السوبر ماركت و طبعا أنا صدقتها بس الموضوع طلع غير كده خااالص ...
المفروض إن أنا و صاحباتى نخرج مع بعض بكره بس أنا متأكدة - و ما تسألونيش أنا متأكده ليه - إن فى مشكلة هتحصل ... واحدة فينا مامتها هتتربس و التانية باباها هيتربس و الخروجة هترسى عليا لوحدى - و احتمال أنا إللى مامتى و بابايا يتربسوا - فيجيلى اكتئاب و أقعد فى البيت ...
اكتئاب ... هذه هى الكلمة السحرية ... الواحد بيبتدى العيد مكتئب - لسبب ما مش متعلق بحاجة معينة - فالنحس بيركب العيد كله ...
يعنى مثلا أنا قبل العيد اكتشفت إن حبيبى صاحبته حامل (...) (( بتكلم على إنريكى إجليسياس مش عايزة أفكار من إياها خالص )) ...
و بكده العيد كله ركبه النحس و الـ iPod بتاعى ضاع و ماما و بابا بيدونى صابون و صاحباتى أبهاتهم هيزرجنوا ...
المهم إن أنا بكتب لكم دلوقتى و أنا هموت من الملل ... رغم إن عندى عالكومبيوتر حوالى 7 أفلام رعب من أعظم أفلام الرعب الأجنبى فى التاريخ زى The Exorcist و Suspiria و a Nightmare on Elm street و غيرهم كتير ده غير السيديهات ...
و رغم إن عندى فوق ال200 كتاب و كتيب ... و رغم إن النت فيه حاليا مليون حاجة تتعمل و برغم إن فى أغانى لسه عايزة أسمعها و برغم إنى ما خلصتش روايتى الجديدة و برغم إن عندى أفكار حوالى 3 أغانى إنجليش بس مش لاقية حاجه أعملها ... إنتو عندكو حاجة أعملها ؟؟
السبب زى ما قلتلكم هو لعنة النحس إللى بتلحق بالواحد من غير ما يحضر أرواح و ما يعرفش يصرفها ، و من غير ما يدخل مقبرة توت عنخ آمون ، و من غير ما يلعب ويجا ، و من غير ما يكون عنده مومياء فرعونية لملك غاضب ولا يكون بيحاول يحضر يد المجد أو يكون عنده تمثال منحوس ... من الآخر إنت نفسك بتكون منحوس و مافيش أى حل لفك النحس ده غير ... إنت عارفه ... هو الشباك أو البلكونة ...
3ady ya amira ana bardoh baba w mama beyte5ano2oh fi el 3id 3ala toul w ben5rogsk fi el 3id w yetsal7oh ba3d lama el 3id ye5los
ردحذفbegad el system da men awel lama etwalat en baba&mama yet5ano2h fi el 3id da
w yetsal7oh ba3daha loooooool
okay helw aweeeeeeeeeeeeeeeeeee el kalam dah
ردحذف100 100
laken waqfa law sama7teeeeee
النحس
كلمة جميلة جداً لكن لو عايزة بجد تعرفي معناها تعالي و انا أقولك..........
أول حاجة....
انا فعلاً منحوسة, بجد بجد يعني منحوسة....
مافيييييش مرة في حياتي أنزل اشتري أي حاجة بالذات اللبس و في الآخر ولا اللاقي اللي انا عايزاه....
قال يعني خلاص بلبس من ايد مصصمميين عالميين...
و غير بقى الاصحاب و الدوشة ديه و فلانة قالت و فلانة عادت و النظام ده.....
تاني حاجة...
تقريباً انتي عارفه كويس انا ميييييييييييييييييين
يعني عندي مليييييييون حد اخرج معاه و قرايب لا تعد ولا تحصى و في الآخر ولا عزومة في رمضان!!!!!
لا عازميييييييييين ولا معزوميييين.....
من اول العيد ولا خروجة.....
(على الاقل انتي حاولتي لكن انا مافيييييييش نهاااااااااااااااائي)....
غير بقى العزال الجميل لا و ايه بقى الكل بيشاور علييييكي و يقول انتي السبب في كل ده....
طب انا راديا حكمك....
ده نحس ولا لا!!!!!!!
تقريباً و الله اعلم بالكومنت ده انا كده خليتك تأكتئبي زيادة....
بس والله و بدون مجاملة انتي كده لييكي مستقبل جااااااااااااامد في الكتابة
و هابقى اكملك الباقي بعدين!!!!!
كفاية بقى فضايح هنا!!!!..........
كلمة موحية جدا كلمة الاكتئاب واعتقد كانت سبب ف خروج مئات من الاغانى والافلام والروايات العظيمة
ردحذفوتعتبر هى المفتاح دلوقتى لان الناس مخنوقة وتخنق وبتحب الخنقة
وبالنسبالى عيدي مش كان احلى من بتاعك لانه بدا بمشاكل ف الكمبيوتر ودى مصيبة بالنسبالى وخناقات عشان العيال اللى مش عايزين ينزلو ف العيد وفجاة ف اول يوم عيني ورمت و كانت واجعانى واصبح شكلى يخوف وطبعا الادوية ف العيد بتاخد اجازة مش بتشتغل وانا عندى حساسية صدر وف العيد وقتها :) امال تتعبنى امتى يعنى؟؟
بس والله اهو عدى وخرجت وكبرنا للى مش جم لان فعلا الواحد بيتخنق بسرعة اوى ومش ناقص ملل والحياة مليانة بيه فعلا
واعتقد ان اكتر حاجتين بيتعملو دلوقتى تكبير الدماغ والاكتئاب والاول بتحمي م التانية ع فكرة فبنصح الكل بيها ويا رب عيدك يكون عدى ع خير :)
والحمد لله بقى ع كل حال طبعاااااا